Aǵymdaǵy jyly Almaty qalasynda 3 368,5 mln. teńge somasynda 20 myńdaı múgedekter áleýmettik qoldaýmen qamtylady.
Mundaı tyń aqparatty Almaty qalasynyń Óńirlik komýnıkasıalar qyzmetinde ótken brıfıń barysynda Almaty qalasy Jumyspen qamtý jáne áleýmettik baǵdarlamalar basqarmasynyń basshysy Meıirjan Otynshıev málimdedi.
Meıirjan Batyrbekulynyń baıandaýynsha, ýaqytsha bolý jaǵdaıynda Almaty qalalyq áleýmettik beıimdeý ortalyǵynda 684 adamǵa qyzmetter kórsetildi. (180 tósek oryn).
2018 jyly kezekti azaıtý jáne muqtaj adamdardy tolyq qamtamasyz etý maqsatynda Túrksib aýdany boıynsha ınternat úıimen syıymdylyǵy az úıdi keńeıtý boıynsha qurylysty aıaqtaý josparlanýda.
Basqarma jumysynyń ózekti máseleleriniń biri múgedekterdi áleýmettik qorǵaý suraqtary men is-sharalardy ońaltý sharalary bolyp tabylady.
2017 jyly bul maqsattarǵa 3 mlrd. 983,6 mln.teńge (RB 579,5 mln.teńge, JB – 3 mlrd. 404,2 mln.teńge) bólindi.
Múgedekterdi ońaltý sharalary, jeke baǵdarlamalyq ońaltý boıynsha QR Densaýlyq saqtaý jáne áleýmettik damý mınıstriniń buıryǵymen bekitilgen múgedekterdi protezdik-ortopedıalyq kómekpen jáne tehnıkalyq qosalqy qurylǵylarmen qamtamasyz etý erejelerine sáıkes júzege asyrylady. Múgedekter sýrdo-tıflotehnıkalyq jáne mindetti gıgıenalyq quraldarmen, protezdik-ortopedıalyq kómekpen, sanatorly-kýrorttyq emdeýmen, jeke kómekshi qyzmettermen, «ınvataksı», ym tiliniń mamandarymen qamtamasyz etiledi.
«ınvataksı» - 199,7 mln. teńge somasynda 480 adam;
mindetti gıgıenalyq quraldarmen 720,7 mln. teńge somasynda 7231 adam;
júrip-turýǵa arnalǵan qurylǵylarmen 279,6 mln. teńge somasynda 1899 adam;
sýrdotıflotehnıkalyq quraldarmen 597,2 mln. teńge somasynda 2721 adam;
jeke kómekshiniń qyzmetterimen 933,8 mln. teńge somasynda 2338 adam;
ym tili mamandarynyń qyzmetterimen 59,4 mln. teńge somasynda 283 adam;
sýrdoprotezdik kómekpen 4,2 mln. teńge somasynda 357 adam;
protezdik-ortopedıalyq kómekpen 189,2 mln. teńge somasynda 2272 adam;
kohlearlyq ımplantqa tildik prosesordy ornatý jáne aýystyrý boıynsha qyzmettermen 155,8 mln. teńge somasynda 43 múgedekter;
sanatorlyq-shıpajaılyq em 445,2 mln. teńge somasynda 4436 múgedek, 389,6 mln. teńge somasynda 3609 UOS jáne eńbek ardagerleri qamtyldy.
Múgedekterge ózderiniń quqyqtaryn júzege asyrý boıynsha teń múmkindikter berý maqsatynda obektilerdi beıimdeý men pasporttaýdy qarastyratyn múgedekterdi áleýmettik ınfraqurylymǵa qol jetkizýdi qamtamasyz etý boıynsha jumys júrgizilip jatqanyn atap ótý qajet.
2013 jyldan bastap barlyǵy 3010 obekt pasporttalǵan nemese jospardan 100%, 1694 (100%) beıimdelý júrgizilgen.
2018 jyly 3 368,5 mln. teńge somasynda 20 myńdaı múgedekter áleýmettik qoldaýmen qamtylady.
Qorytyndylaı kele, áleýmettik qorǵaý sharalarynyń nátıjeligin joǵarylatý boıynsha jumys turaqty baqylaýda jáne osy baǵytta jalǵasatynyn atap ótý qajet, - dep sózin túıindedi Meıirjan Otynshıev.
